Formación sobre a Directiva NIS2

formaciones

De interese para asociados/as e colexiados/as 

A ciberseguridade converteuse nunha cuestión estratéxica para as organizacións. Un incidente de seguridade pode poñer en risco a continuidade dunha actividade, comprometer información sensible e xerar importantes consecuencias. Neste contexto, a Directiva NIS2 reforza as esixencias en materia de ciberseguridade e sitúa a súa xestión como unha responsabilidade clave para as organizacións.

Co obxectivo de achegar esta normativa e facilitar a súa comprensión, impartirase a formación «Directiva NIS2 desde cero: entendendo a normativa», unha sesión dirixida a coñecer a quen afecta, cales son as principais obrigas e como comezar a adaptarse aos novos requisitos.

Que aprenderás nesta formación?

Ao longo da sesión abordaranse os principais aspectos da Directiva NIS2:

  • Que é a Directiva NIS2 e a quen se aplica.
  • Cales son as principais obrigas das organizacións.
  • Como implementar a normativa e comezar o proceso de adaptación.
  • Que autoridades teñen competencias de control.
  • Cales son os posibles incumprimentos e as sancións asociadas.

Trátase dunha formación pensada para pasar da dúbida á acción, comprender as implicacións da normativa e coñecer os primeiros pasos para afrontar os novos retos en materia de ciberseguridade.

Datos da formación
  • Data: 2 de decembro de 2026.
  • Horario: de 17:00 a 19:00 horas.
  • Lugar: Oficina COETG da Coruña. Rúa Juana de Vega, 4 1ºI.
  • Imparte: Laboratorio e Centro Demostrador de Ciberseguridade en Produtos con Elementos Dixitais da Xunta de Galicia.
Como participar?

As persoas asociadas/colexiadas interesadas en asistir deberán solicitar a súa praza enviando un correo electrónico a comunicacion@aetg.gal indicando o seu nome completo.

O número de prazas é limitado, polo que a asignación se realizará por rigorosa orde de solicitude ata completar o aforo.

Non perdas a oportunidade de coñecer a Directiva NIS2 e dar os primeiros pasos para adaptar a túa organización aos novos requisitos de ciberseguridade.