Celébrase o DICO Summit
Os días 24 e 25 de xaneiro, terá lugar no Edificio CINC da Cidade da Cultura, en Santiago de Compostela, o evento DIgital COntents (DICO) Summit, iniciativa promovida pola Axencia de Modernización Tecnolóxica de Galicia (AMTEGA) en colaboración co Clúster Audiovisual Galego (CLAG) e o Clúster TIC Galicia no marco do programa Viraxe TIC.
O evento ten por obxectivo amosar aos profesionais galegos as oportunidades que supoñen as novas tendencias tecnolóxicas e modelos de negocio vencellados aos contidos dixitais. O mesmo está dirixido maioritariamente a profesionais dos sectores económicos galegos, creativos e emprendedores.
Na páxina web do evento http://dicosummit.gal está dispoñible toda a información e novidades do evento.
Todos os interesados poderán seguir as últimas novidades sobre o evento a través das redes sociais dos organizadores, onde irán aparecendo novas sobre as importantes entidades e profesionais que terán presenza no evento. A inscrición ás actividades está aberta dende o comezo do novo ano; do mesmo xeito, a web irase actualizando coas intervencións confirmadas.